Cynnwys pobl leol drwy ymgynghori a chyfranogi yw un o'r ffyrdd amrywiol y gallwn sicrhau bod ein gwasanaethau'n canolbwyntio ar ddefnyddwyr ac yn diwallu eu hanghenion gwirioneddol (yn hytrach na'r anghenion y tybir sydd ganddynt). Wrth ddechrau'r broses mae'n bwysig bod yn glir pam eich bod yn cynnal yr ymgynghoriad. Mae hyn yn golygu cael eglurder o ran y nodau a'r amcanion, a'r hyn sydd i'w gyflawni a'r rôl y bydd pobl yn ei chwarae.
Pam rydych yn ymgynghori?
Yn gyffredinol, efallai mai eich rheswm dros ymgynghori fydd:
- helpu i lunio a llywio polisi
- codi ymwybyddiaeth
- cael cefnogaeth ar gyfer cynnig
- cyfrannu at sicrhau bod y broses o roi'r polisi ar waith yn ddigonol
- cadw llygad ar ganlyniadau mentrau polisi
Yn fwy penodol, efallai y byddwch yn dechrau gweithgaredd ymgynghori o ganlyniad i'r canlynol:
Rhwymedigaeth Gyfreithiol
- bodloni gofynion statudol, er enghraifft:
- Cynllun Gwella Corfforaethol
- Cynllun Datblygu Lleol
- Cynllun Cymunedol
- Ceisiadau Cynllunio
- Cau ysgolion
- Cynlluniau Gofal Cymunedol
- Strategaethau Diogelwch Cymunedol
- Asesiad o Anghenion Iechyd
- Asesiadau Effaith
- Arolygon Boddhad
- Cynllunio Rheoli Risgiau
Darparu gwasanaethau effeithlon ac effeithiol
- helpu i gynllunio gwasanaethau i roi'r hyn mae ei angen ar ddefnyddwyr
- mesur canfyddiadau defnyddwyr o ran safon y gwasanaeth, ei ddarparu a safonau
- blaenoriaethu a chyfeirio adnoddau prin i'r lle y mae eu hangen fwyaf
- darparu gwell gwasanaethau mewn ffyrdd y cânt eu gwerthfawrogi fwyaf,
- nodi a rhagweld problemau ar y cyfleoedd cynharaf drwy drafodaethau parhaus
- nodi gwelliannau gwasanaethau
- helpu i bennu safonau perfformiad perthnasol drwy ganfod disgwyliadau pobl
- helpu i fonitro gwasanaethau dros amser
Herio gwahaniaethu, sicrhau cydraddoldeb
- cynnwys grwpiau lleiafrifol (e.e. Lleiafrifoedd Ethnig, preswylwyr anabl ac ati...) a'r rhai sy'n anodd eu cyrraedd (e.e. pobl ifanc, y rhai sy'n economaidd anweithgar ac ati...) , annog defnyddwyr newydd drwy wneud gwasanaethau'n fwy deniadol ac yn hygyrch i bobl nad ydynt yn defnyddio'r gwasanaeth
- rhoi cyfle i grwpiau lleiafrifol neu anodd eu cyrraedd fynegi eu barn
- troi dymuniadau grwpiau (efallai na fyddwn yn perthyn iddynt) yn bolisi ac arfer
Cynyddu nifer y dinasyddion sy'n cymryd rhan
- creu perthynas waith gyda defnyddwyr/rhanddeiliaid fel bod ganddynt ddiddordeb mewn proses well o ddarparu gwasanaethau
- cydweithio er mwyn i bawb allu cyflawni mwy gyda'i gilydd nag y byddent ar eu pennau eu hunain.
- rhoi'r wybodaeth ddiweddaraf i bobl
- rhoi gwybodaeth a chael ymatebion
- galluogi pobl i fynegi eu dewisiadau
Gwneud penderfyniadau gwell
- hysbysu a dylanwadu ar asesiad proffesiynol a dyfarniadau gwleidyddol (ond nid eu disodli)
- dysgu am syniadau a gwerthoedd pobl leol
- harneisio profiadau a syniadau pobl a sefydliadau ledled Abertawe
- achub y blaen ar, annog a herio
- profi syniad a chael adborth ar gynigion, camau gweithredu a gwasanaethau
Gwella delwedd y sefydliad
- bod yn symbol o'n hymrwymiad i fod yn agored ac yn atebol
- gwella cydberthnasoedd
- cynyddu gwerthfawrogiad o wasanaethau, wrth i gymunedau deimlo eu bod yn cymryd mwy o ran ac yn gwerthfawrogi eu gwasanaethau lleol fwy