||
||
Swansea Consultation Partnership
Website URL : http://www.swanseaconsultationpartnership.org.uk/index.cfm?articleid=26087
||
Pwy rydych yn ymgynghori â hwy?
Wrth gynllunio darn o ymgynghoriad, cyfranogaeth neu waith ymgysylltu, mae'n bwysig meddwl am eich cynulleidfa darged. Bydd y dudalen hon yn eich helpu i feddwl am bwy y dylech gynnwys yn eich ymgynghoriad.
- Bydd y rhestr rhanddeiliad ar waelod y dudalen hon yn eich helpu i ddechrau meddwl am bwy y bydd yn rhaid i chi gysylltu â hwy, o bosibl. Mae'n bwysig cofio mai yn anaml y byddwch yn cynnwys gr?p unffurf o bobl ond, yn hytrach, amrywiaeth o grwpiau rhanddeiliaid, gyda safbwyntiau a diddordebau gwahanol. Efallai y bydd ganddynt faterion mynediad gwahanol hefyd felly mae'n hanfodol eich bod yn sicrhau bod eich gwaith yn hygyrch i bawb yr hoffech ymgysylltu â hwy.
- Nid yw grwpiau o bobl byth yn generig. Mae'n werth ystyried pwy yw'r grwpiau o fewn y grwpiau a cheisio deall sut y gall eu barn a'u hanghenion gwahanol gael effaith ar eu safbwyntiau a'u barn. Er enghraifft, gall pobl anabl oll gael profiadau gwahanol iawn o ddefnyddio eich gwasanaethau, yn dibynnu ar natur eu hanabledd.
- Mae'n bwysig rhoi cyfle cyfartal i randdeiliaid gymryd rhan yn eich gwaith. Dylech ystyried y rhwystrau posibl a all eu hatal rhag cymryd rhan a gwneud pob ymdrech i'w dileu, gan wneud eich gwaith yn gwbl hygyrch.
- Grwpiau 'Anodd eu cyrraedd' yw unrhyw gr?p neu ran o'ch cymuned sy'n anodd cael mynediad atynt am unrhyw reswm. Er enghraifft, gall fod problemau o ran diffyg mynediad corfforol gyda phobl h?n neu anabl. Gall fod problemau iaith gyda phobl nad ydynt yn siarad Saesneg neu Gymraeg. Gall fod disgwyliad nad ymgynghorir â hwy ac nac ymgysylltir â hwy - er enghraifft gyda rhai pobl ifanc. Dyma enghreifftiau o grwpiau a all fod yn anodd eu cyrraedd:
- Ceiswyr lloches
- Plant a phobl ifanc
- Defnyddwyr cyffuriau
- Cymunedau ffydd
- Pobl Lesbaidd, Hoyw, Deurywiol a Thrawsrywiol
- Pobl ddigartref
- Cymunedau lleiafrifoedd ethnig
- Troseddwyr/ cyn-droseddwyr
- Pobl anabl
- Pobl ag anawsterau dysgu
- Pobl â phroblemau iechyd meddwl
- Pobl sy'n teithio neu'n cymudo i'ch ardal
- Cymunedau gwledig
- Rhieni sengl
- Teithwyr
- Twristiaid
- Dioddefwyr cam-drin domestig
- Pobl ifanc
- Mae'n bwysig peidio â diffinio pob un o'r grwpiau uchod fel rhai anodd eu cyrraedd - mae'n dibynnu ar yr hyn yr ydych yn ymgynghori arno a pha ddulliau rydych yn eu defnyddio, pa gyswllt blaenorol a fu ac ati. Gall fod amgylchiadau penodol sy'n gwneud grwpiau'n anodd eu cyrraedd - er enghraifft lle ni chafwyd ymgynghori na chyfranogiad blaenorol.